भारतीय सेनामा छनौट हुन नौतुना गएका २० बर्षिय अविनाश भण्डारीको मृत्यु

समाचार

भारतीय सेनामा छनौटका लागि गएका म्याग्दीका एक यूवाको मृत्यु भएको छ। जिल्लाको रघुगंगा गाउँपालिका–२ साझापानी घर भएका २० बर्षिय अविनाश भण्डारी ४ महिना लामो छनोट प्रक्रियाबाट अन्तिममा छनौट भएपनि अचानम बिरामी भएपछि उपचारको क्रममा भरतपुरको अस्पतालमा मृत्यु भएको हो ।
भण्डारी छनौट प्रक्रियाको दौडमा उत्कृष्ट पाँचभित्र परेका थिए । नेपाल र भारतको सिमाना सुनौली (नौतुना) मा फागुन २३ गते बिरामी भएका भण्डारीको भरतपुरमा उपचारको क्रममा २५ गते अचेत भएका थिए । मृतक भण्डारीको बुधबार अन्त्येष्टी गरिएको छ

कुशल भलिबल खेलाडी समेत रहेका भण्डारीले गाउँपालिकास्तरीय राष्ट्रपति कप सहित जिल्लास्तरीय खेलमा समेत उत्कृष्ट खेल खेलेका थिए। भलिबल खेलसँगै गाउँका सहयोगी यूवाको रुपमा समेत चिनिन्थे । भलिबल खेलमा सम्भावना भएको यूवा गुमाएको म्याग्दीका भलिबल प्रशिक्षक तेजेन्द्र बानियाँले बताए ।उनले पालिकास्तरीयसँगै भलिबल खेलमा समेत राम्रो गर्न सक्ने सम्भावना रहेको यूवालाई गुमाउनुपरेको बताए । भारती सेनामा भर्नाको लागि आवेदन दिएपछि उनी नियमित अभ्यास सहित भर्ना भएरै घर फर्किने बाचा गरेर गएको आफन्त मन्जु भण्डारीले बताईन् ।

‘भाईले सपना पुरा गरेपनि हामीसँग खुसी साट्ने धोको अधुरै भयो,‘राम्रो मान्छे भगवानको रोजाईमा हुदाँ रहेछन’ उनले भनिन् । शारीरिक रुपमा स्वास्थ्य, उचाई, तौल सहित अन्य प्रतिस्पर्धामा भण्डारीले उत्कृष्ट भएको आफन्तलाई बताउँदै आएका थिए । आर्कषक तलब, गाउँ घरमा सम्मानका कारण म्याग्दीका युवा भारतीय सेनामा आकर्षित हुने गर्छन्।

Leave a Reply

Your email address will not be published. Required fields are marked *